Thonj të shkruar

Kjo është shumë e thjeshtë për t'u realizuar në shtëpi.
Gjithshka ju duhet është:
një manikyr në ngjyrën e mishit (bezhë), piskatore, shkëlqyes thonjsh, me xixa ose lisho, alkol dhe gazetë.

Fillimisht lyeni thonjtë me manikyrin. Më pas prisni 10 copa nga gazeta (1 për secilin thua). Merrni një copë gazete me piskatore dhe futeni në një ene të vogël ku keni hedhur alkolin. Më pas vendoseni mbi thua, puthiteni mirë dhe lëreni për 5-10 sekonda. Më pas hiqeni dhe shikoni çfarë përftoni. Menjëherë pas kësaj aplikoni shkëlqyesin, në të kundërt do të fshihet. Si ju duket? :)

Si të rregullojmë një thua të thyer?!

Kjo është një zgjidhje shumë efikase për ato rastet e dëshpëruara kur pasi i kemi rritur me zor të madh e me kujdes thonjtë, njëri prej tyre thyhet. Epo nuk është nevoja t'i presim të gjithë... Ja zgjidhja!

Merrni një qeskë çaji dhe boshatiseni. Prisni me gërshërë një copë të vogël letre aq sa t'i përshtatet plasaritjes së thoit. Lyeni thoin me shkëlqyes (forcues) dhe mbi të vendosni letrën, në pjesën ku është plasaritur thoi. Në fund aplikoni manikyrin. Kaq ishte, nuk do ta besoni efektin derisa ta provoni.

Sekrete për kujdesin e flokëve

 Ashtu si i gjithë organizmi ynë, edhe flokët të cilat janë pjesë e tij, kanë nevojë për masa parandaluese për të mos u tharë dhe për të qenë në formën e tyre më të shëndetshme. Nuk ka rëndësi nëse flokët tuaj janë të gjatë, të shkurtër, të verdha, të zeza apo çdo lloj nuance mes tyre, flokët e bukur janë një zbukurim luksoz i individit. Flokët janë gjëja e parë që vihet më shumë re tek një person kur e sheh për herë të parë, sidomos meshkujt, tërhiqen shumë më tepër nga flokë të bukur, të pastër dhe të shëndetshëm sesa nga rroba të shtrenjta apo një make-up 3 orësh.

Përmirësime mund të bëhen në çdo kohë dhe pjesa më e madhe e këtyre përmirësimeve fillojnë nga brenda organizmit. Të pasurit të një regjimi të shëndetshëm ushqimor të pasur me vitamina dhe ushqime që përmbajnë vitaminë A me shumicë, e cila është një nga vitaminat antioksidante më të rëndësishme që shërben për prodhimin e balancuar të sebumit (yndyra që prodhon skalpi i flokëve të secilit prej nesh). Kjo është shumë e rëndësishme në mënyrë që të mos kemi as një skalp shumë të yndyrshëm dhe as shumë të thatë.

Disa nga ushqimet me përmbajtje të mirë të vitaminës A, janë perimet e freskëta si spinaqi dhe karrotat, fruta si pjeshkat, kajsitë dhe manaferrat, produktet e qumështit, djathërat e ndryshëm, vezët janë gjithashtu jetike. Plotësimi i regjimit ushqimor me ushqime që përmbajnë proteina si peshqit, mishi pa dhjamë dhe farat e ndryshme, ju ndihmojnë në mirëqënien e përgjithshme të organizmit, për rrjedhojë edhe të flokëve, thonjve dhe performancës së trurit gjithashtu.

Ushqime të dëmshme si alkoli, cigaret, kafeja, ushqime me përmbatje të lartë sheqeri, yndyrnash dhe kripe ndalojnë ose ulin ndjeshëm rritjen dhe mbirjen e flokëve të reja.

Pini mjaftueshëm ujë. Organizmit tonë i duhen mesatarisht 8 gota ujë në ditë për të kryer të gjitha funksionet në mënyrën e duhur.

Flini mjaftueshëm gjumë, mestarisht nevojiten 7-8 orë gjumë në ditë.

Përpiquni të ulni dozat e stresit i cili është një nga armiqtë kryesor të organizmit tonë duke mos u angazhuar në aktivitete apo veprimtari që ju stresojnë.

Sport dhe aktivitet fizik rregullojnë dhe përmirësojnë punën e të gjithë organizmit dhe nxisin qarkullimin e gjakut.

Krihni flokët rregullisht duke filluar që nga skalpi, duke patur kështu një efekt masazhues i cili nxit qarkullimin e gjakut.

Kufizoni nxehtësinë në flokët tuaj, përpiquni t'i thani sa më pak dhe të shmangni pjastrat dhe mjete të tjera stiluese sepse dëmtojnë rëndë flokët.

Pritini flokët çdo 6 javë, duke eliminuar kështu majat e djegura dh duke i bërë të duken më të forta, të gjallëruara dhe të rregullta.

Masazhoni rregullisht skalpin, çdo ditë duke përdorur vajr natyralë, nxit qarkullimin e gjakut duke përmirësuar ushqyerjen dhe forcimin e rrënjës së flokut.

Hidratojini rregullisht flokët me maska (më e mira të pregatitura vetë), për flokë të yndyrshëm 1 herë në javë mjafton kurse për flokë të thatë duhet më shpesh.

Shmangni totalisht kimikatet. Bojrat apo trajtimet e ndryshme të gatshme dhe të fabrikuara. Pishinat janë një tjetër element që shkaktojnë tharje floku, ndaj përpiquni të përdorni kapuç ose të vendosni në flokë një vaj natyral që t'i mbrojë dhe lajini menjëherë pasi të ikni prej saj.

Kur keni probleme me flokët, mund të jetë thjeshtë për shkak të zgjedhjes së gabuar të shampos dhe balsamit. Pra, përveç regjimit ushqimor, kemi dhe kujdesin e jashtëm, që nga larja e deri tek trajtimet e ndryshme që bëjmë sa herë lahemi, tharja, krehja etj. Sigurohuni që shampoja dhe balsami të jenë bimore dhe që i përshtaten llojit të flokut tuaj.

Më e mira është që të mos i krihni flokët kur janë të njomë, përdorni një krehër me dhëmbëza të gjera dhe jo shumë të shpeshta. Kur është e nevojshme, përdorni vetëm produkte të pregatitura në kushtet e shtëpisë për të korrigjuar ndonjë dëmtim të mundshëm të flokut. Si p.sh. ekzistojnë maska të panumërta të pregatitura në kushtet e shtëpisë për të riparuar, rigjeneruar dhe ushqyer flokë të dëmtuar nga shkaqe të ndryshme. Kjo është mënyra më e mirë për ta risjellë flokun në formë dhe për ta rimarrë veten nga çdo lloj dëmtimi.

Maskë flokësh 1

Maskë flokësh 2

Nga: Pin-Up Albania

Si t'i lyejmë sytë me hije që të mbajë sa më gjatë?

Nëse përdorni furçë sysh të njomë dhe vendosni pudër fytyre mbi qepalla, ta lini të thahet e të zërë vënd, e më pas të vendosni hijen e syve, make upi do të qëndrojë mirë gjatë ditës.

Nëse doni që të zgjasë gjatë gjithë ditës, thjesht aplikoni një shtresë korrektori para se të aplikoni hijen. Zakonisht mban rreth 24 orë. Hija e syve është një proddukt kozmetik i cili vendoset tek qepallat e syve për t'i dhënë thellësi dhe hapësirë syve si dhe për të theksuar ngjyrën e tyre, shkurtimisht për t'i bërë më tërheqës. Ka ngjyra nga më të ndryshmet dhe zakonisht janë me bazë pudre, por ka edhe të lëngshëm, laps ose "shkumë" (si punë paste). Mënyrat e aplikimit janë të ndryshme, duke përdorur sfungjer, gishtërinjtë ose furçë. Baza duhet vendosur në mënyrë që hija të mos zbehet gjatë ditës ose të mos zhvendoset. Setet e hijeve të syve, zakonisht janë në tre tone, të zbehtë, që është për pjesët e ndriçuara ose që doni t'i jepni volum, më i errëti për t'i dhënë thellësi syrit. Toni i mesën zakonisht vendoset në pjesën e poshtme të syrit dhe shkrihet me dy tonet e tjera në qepallën e sipërme. Bazuar mbi këto rregulla, mund të eksperimentoni pa fund për kombinime nga më të ndryshmet të ngjyrave dhe nuncave.

Sekrete të vendosjes së hijes së syve:

• Para se të vendosni hijen e syve, vendosni pak pudër tek qepallat si bazë.
• Mos i ndani kurrë me të tjerë pajisjet tuaja të make-upit.
• Gjatë ditës gjithshka ju duhet si make-up është vetëm ngjyra bazë dhe rimeli.
• Aplikoni tonin më të errët në cepat e jashtëm të syrit, nga vija e qerpikëve deri tek rrudha e syrit.
• Përdorni furçë për të aplikuar hijen.
• Bjondet me sy blu duhet të përdorin nuancat kafe ose përhimta, ndërsa ato me sy jeshil nuanca të lehta roze në lejla.
• Për t'i bërë të duken më të mëdhenj sytë, cepat e brenshëm lyejini me ngjyrë më të hapur.

Si të rrisim thonj të gjatë e të bukur?

Duar të bukura, për një femër është një nga gjërat më të rëndësishme. Janë pikërisht thonjtë ata që i japin theksin bukurisë së duarve tona. Mund të kemi një bazë të mirë thonjsh, por ata përsëri nuk rriten si duhet. Këtu keni të disa këshilla kyçe.

Pasi t'i keni rritur në mënyrën e duhur thonjtë, mund t'i zbukuroni ata me manikyr, të eksperimentoni me dizenjo duke filluar me të thjeshta e më pas me dizenjo dhe tekstura më komplekse.

Më parë, duhet të forcohen nga përbrenda. Për këtë keni nevojë për kalcium dhe vitaminat A dhe E. Thonjtë e brishtë s'janë vetëm shenjë e mungesës së kalciumit, por edhe që janë të dehidratuar. Është e nevojshme që duart të hidratohen herë pas here me krem, po ashtu edhe thonjtë. Ka madje produkte të veçanta me përmbajtje vajore, që janë vetëm për lyerjen dhe hidratimin e thonjve.

Forcojini thonjtë me jod - aplikohet tek rrënja e thoit dhe thithet plotësisht prej tyre. 

Mënyra më e mirë e yshqyerjes së trupit me jod, është pikërisht me këtë metodë, prej thonjve.

Përdorni dorashka plastike kur bëni punët dhe shmangni kontaktin e duarve me pastrues të ndryshëm. I bëjnë thonjtë të brishtë dhe i petëzojnë (copëtojnë) ata. Mos ua vini veshin përrallave të detergjentëve me mbrojtës për duart, janë njësoj si gjithë të tjerët dhe në fund të gjithë rekomandojnë larjen e menjëhershme të duarve pas kontaktit me to. Aplikoni krem ose vaj sa herë lani enët ose duart. Mos e hiqni asnjëherë manikyrin me thonj ose sende metalike, përveçse me solucionin përkatës të zgjedhur mirë. Mos i hani kurrë thonjtë, mos i prisni lëkurat rreth tyre, mos i lani rrobat ose enët me ujë të nxehtë.

Hapi tjetër është rritja e thonjve të bukur, që do të thotë përkujdesje e vazhdueshme dhe gjithmonë të lyer bukur. Përdorni shkëlques për thonjtë, i cili kur aplikohet disa herë rresht mbi thua, bëhet shumë i trashë dhe kështu ruan formën e thoit dhe e mbron të mos thyhet. Gjatë javës mund ta aplikoni çdo ditë, një herë në ditë, pa e pastruar shtresën e më përparshme, dhe të shtunave mund t'i pastroni nga shkëlqyesi dhe t'i lini të ushqehen me vajra ose kremra. Të hënën rinisni me vendosjen e smaltit. Mund të alternoni produktet, shkëlqyes dhe smalt. Të dyja japin të njëjtin efekt, forcim dhe mbrojtje.

Përktheu: Pin-Up Albania